DAANIEL
Daniel
Daaniel waar en yung woo em Hërkot kuut kehëyert hot. Tii hon em in ti katee kehukt in en plats woo wayt wech waar fon sayn lant. Tat wolte se hon tas ëyer anere Kote aan peete solt.
Yëts siin mëyer mool wii Daaniel tëne layt ap kewun hot un wii ëyer wayrer fer unser Kot troy keplip waar.
En yung fom Israel folek woo Daaniel keheest hot, waar kefang këp un hon en mit kehool in en land woo Babiloon keheest hot.
Tat, is ëyer aus kesuucht këp fer im kheenich sayn palas se xafe. Too, hot ëyer kelënt se leese un xraywe in tëne sayn xprooch.
Phaar yoer tëm noo, hot te kheenich en reechel kemach, woo ti layt ferpoot hot yeeniches ferlange fer yeeniche kot oter persoon iwich traysich taache lang.
Wëyer tas mache teet, teet in ti leewe (leepe) hool rin kexmis këwe.
Ti layt khonte ploos em kheenich was ferlange.
Awer Daaniel hot an Hërkot wayrer kepeet.
Ëyer hot tas traay mool te teach kemach, wii ëyer es keweent waar.
Phaar xlëchte mëner hon em kheenich fertseelt, tas Daaniel an Kot wayrer tings am ferlange wëyer.
Tës weche, mist ëyer toot kemach këwe.
Te kheenich hot te Daaniel kën kehat, un tës weeche is ëyer aarich traurich këp. Un hot ales kemach was ëyer khont fer en se rëte.
Wën te kheenich kesiin hot tas ëyer nët khont te Daaniel rëte, hot ëyer kexikt tas te puup in ti leewe (leepe) hool kexmis keept.
Un saat fer te Daaniel:
- Ich hofe tas tayne Kot tich rëte tuut.
Tëm noo, wën Daaniel xon in te leewe (leepe) hool waar, hon se te inkang tsuu kemach mit en aariche kroose xteen.
Un Daaniel is too keplip, in te mite leewe (leepe).
Te kheenich is aarich traurich tsurik kang pis tëm sayne palas.
Khont niks ëse un hot ti kans naacht niks kexloof.
Moynts, kans frii, is te kheenich xnël pis an tas leewe (leepe) hool kang un xraayt: -Daaniel! Meecht tayne Hërkot tich fon te leewe (leepe) kerët hon?
Daaniel hot keantwort:
- Mayne Kot hot sayne ëngel kexikt, un te ëngel hot te leewe (leepe) es maul tsuu kemach.
Un ti hon mich nët wee kemach.
Te kheenich is aarich froo këp un hot te Daaniel aus tas leewe (leepe) hool raus hoole kexikt.