JONAS
Jonah
Tas is tas kexichtche fom Jonas, te profët woo wolt aus rayse.
Kot saat:
- Jonas, kee pis an ti Nínive xtat un saa aan fer tot ti layt tas Ich tiise xtat fernichte.
Jonas wolt nët ti ortnung foliche un is in en aner richtung kang.
Is in en xif woo noo Spanye këngt aus keris.
Awer Kot hot en xtarke wint kexikt un too hot es en kroos kewiter im mëyer këp.
Ti mëner woo im xif kexaft hon, hon fiil pang kriit um wolte te xif rëte.
In te sëlwich tsayt, hot Jonas kemiitlich im khëler kexloof.
Ti mëner woo am xif kexaft hon, hon aus kekluucht tas Jonas fon Kot am aus rayse
waar. Tan hon se iim kehol un ins mëyer kexmis. Un klaych hot es mëyer sich peruuycht.
Kot hot kexikt tas en kroose fix te Jonas uner xlike solt.
Im fix, hot Jonas Kot aan kepeet, um hilef ferlangt.
Kot hot em Jonas sayn kepeet kehëyert un macht tas te fix te Jonas an te praya raus
kekhotst hat.
Tan hot Kot noch mool fer te Jonas kesaat: Kee pis ti xtat Nínive. Un Jonas is kang.
Wii Jonas an Nínive aan khom is, is ëyer torich ti kans xtat kang un xraayt:
“Ti xtat fon Nínive këpt fon Kot fernicht!”
Ti pewooner fon Nínive hon uf kehëyert xlëcht se sin.
Tës weche hot Kot nët mer ti xtat fernicht.