SAMSAM
Samson
Samsão
Apresentação: Mabel Dewes
In tëm pichelche tuun mëyer tas kexicht fom Samsan siin. Hërkot hot fer em Samsan sayn moter kesaat tas tee en xpëtsieele mënx këpt.
Tas is tas kexicht fom Samsan. Ëyer waar en aariche xtarke man.
Tëm Manoaa sayn fraa hot en khint kriit. Sii hot en Samsan kenënt.
Samsan is kewakst un Kot hot en keseechent.
Kot hot kemach tas te Samsan en aariche xtarke man këp wëyer.
En kuure taach, hot en leep te Samsan iwer fal un tee hot mit sayn aychne hën tas leep in xtiker kemach.
Aner mool, hot Samsan fayer xtëker an ti xwëns fon traay hunert fukse kepun un hot se ins waytse xtik fon sayn faynte xpringe kelos.
En anere taach, hon Samsan sayn faynte en aan kepun mit naye xtrike.
Awer, tee hot se feris mit te kraft woo Kot em këp hat.
Samsan waar mool torich ti Gaza xtat am keen.
Ëyer is in en haus rin kang fer se ruue.
Tëm sayn faynte hon en ap kewaat am toer fon te xtat.
Samsan is ploos pis halep naacht laye keplip. Too is ëyer uf kextii un is kang. Too hot ëyer tas toer ap keropt un hot es pis uf te përich ketraan.
Samsan hot fer en fraa woo Dalila keheest hot, kesaat wii ëyer soo xtarek khënt sin. Samsan saat: Ich sin soo xtarek wal ich nii mayn hoer ap kexnit hon!
Too, en taach, soo lang wii ëyer am xloofe waar, hon se tëm ti hoer ap kexnit.
Soo khonte tëm sayn faynte em fange.
Hon tëm ti aue torich kextoch un ti hën aan kepun mit bronsene khite.
Awer tëm sayn hoer hon noch mool aan kefang se wakse.
Ti faynte hon Samsan pis an tëne sayne kotes haus hiin kenom, wayl se wolte iwich iin xpote um sich ferlache.
Tas kotes haus waar fol mit layt, un Samsan hot sayne Hërkot aan kepeet. Hot ferlangt Ëyer solt iim noch mool sayn kraft këwe.
Too hot Samsan ti phayler fon tëm plats kexupt mit aler kraft.
Un tas kepay is uf ti kanse layt kefal woo tat waare.
Un soo is Samsan kextorep, mit te kanse layt woo uf tëm plats waare.