YEESUS KEPOER
The Birth of Jesus
O Nascimento de Jesus

YEESUS KEPOER

In too tëm pichelche fertsële mer tas kexicht fom wichtichste kepoer fon te wëlt. Is wii Hërkot uf tii wëlt khom is als tas Yeesus khint. Ëyer is khom fer ti layt se rëte.
Tas is es kexicht fom Yeesus kepoer.

Kot hot kexikt tas en ëngel mit Mariia xprëche këngt.

Te ëngel saat fer Mariia tas sii en khint kreecht.
Yoosef hat ferxproch, foer te layt, tas ëyer mit Mariia hayrate teet. Fer iim is aach en ëngel tsum foerxaynt khom, woo saat:

- - Mariia kriit en khint, un tuu këpst tëm te naame Yeesus.

Te kheenich hot en ortnung këp tas ti kanse layt miste in ti xtat woo se kepoer waare keen, tas se ketseelt khënte këwe.

Tës weche, sin Yoosef un Mariia pis Petleheem kereest, woo Yoosef kepoer waar.

Wii Yoosef un Mariia in Petleheem waare, is tas Yeesus Khint uf ti wëlt khom, un Mariia hot en in lumpe rin in kewikelt.

Yeesus is in en xtal kepoer, im mite fii, wayl khee aner plats waar fer Yoosef un Mariia se playwe.
Phaar xeefer waare im khamp, ti xeef am uf phase. En ëngel is fom himel runer khom un hot tëne fertseelt tas Yeesus uf ti wëlt khom wëyer.

Ti xeefer sin xnël in Petleheem kang un fine Mariia un Yoosef un siin tas Khint im khump trin laye, woo en plats is woo mer es frëse fer es fii rin tuut.

Wayt fot fon too, waare phaar kluuche mëner, woo ti xtëne xtutiat hon. Ti sin ti kroos xtën noo khom un tii hot se pis an es plats keprung woo tas Yeesus Khint waar.
Wën ti xtën uf en haus xtil kehal hot, sin ti kluuche mëner rin kang un hon tas Yeesus Khint (Puupche) kefun mit sayn muter. Hon sich kekniit, un tas puupche keloopt.
Nochëyer hon se tëm kexënker këp.