TE FERLOERE SOON
The Lost Son (Prodigal)
O Filho Perdido
 
apresentado por Solanga Johann

En familye woo te fater um sayn tswaay puuwe, froo am tix ëse.

Te yingste soon, untsufriite, hat ferlangt fer sayne fater sayn tayl fon te ërepxaft, hat sayn tsaych un tings kesamëlt un is ap kehau, noo en wayt wëch lant kereest.

Te fater, traurich, hot sich iwerleet, warom sayne soon tas kemach hët.

Kans wayt fot, te soon, mit fiile “froynte”, leept in fëst un këpt ales aus was ëyer hot.

En tsayt tëm noo, te soon – oohne këlt un oohne “froynte” – ferlangt aarwat fer en man woo xwayn tsiit.

Ferhungert, mit ërmlich tsaych aan, ëst ëyer te xwayn sayn frëse.

Royich(arrependido), tuut te soon sich iwerlëye un tënkt iwer ëm fater sayn haus.

Saat iwer sich sëlwer:

“Wi fiil aarwater fon mayne fater hon proot, mëyer wi se prayche, un ich sin too hii, mit te xwayn am frëse.

Te soon xtayt uf un keet noo te richtung tsum fater sayn haus.

Wil sich mit tëm unxultiche.

Te fater siit ëm fon waytem un, petauert(compadecido), lauft inkeeche, umarmt iim un khust iim.

Te soon unxulticht sich: “Payo, ich hon keeche te himel un keeche tich sinte kemach.

Sin xon nime wëyert tayne son kenënt këwe.

Te fater ferlangt iwer sayn aarwater:

“Pringt xnël es pexte tsaych. Pringt aach en phaar xuu un en finger rink.

Tiise mayne soon waar toot un is noch mool lëwent.

Waar ferloer un is kefun këp.