|
|
||
|
"Genesis" 1
|
||
|
'´GENESIS` Am aanfank hot te Hërkot te himel um ti ëyert kemach. Ti wëlt waar lëyer, oone leewe, um waar ketëkt mit en tiif mëyer. Ti tunkelheet hot es mëyer ketëkt, un Kotes Kayst hot sich iwer es waser peweet. Too saat Kot: Këp es licht! Too hot es licht këp. Kot hot kesiin tas es licht kuut waar, un hot es fon ti tunkelheet ap keteelt. Kot hot es licht ¨taach¨ kenënt un tii tunkelheet ¨naacht¨ kenënt. Ti naacht is rom kang un te moynt is khom. Tas waar te ëyerxte taach. Too saat Kot: Këp es en teelung tswixich em waser fer es in tsway teele! Un soo is es khom. Kot hot es waser in tswaay teeler keteelt: en teel is uf ti unerxt sayt keplip un ti aner teel is uf ti uwerxt sayt keplip. Tiise teelung hot Kot ¨himel¨kenënt. Ti naacht is rom kang un te moynt is khom.Tas waa te tswëte taach. Too hot Kot kesaat: Tas waser unich em himel sol sich samle uf een plats tas te trokne porem tsum foer xayn khomt. Un soo is es khom. Kot hot es trokne ëyert kenënt un es waser woo sich kesamelt hat hot Ëyer ¨mëyer¨ kenënt. Un Kot hot kesiin tas was Ëyer kemach hot kuut waar. Un tëm noo hot Ëyer kesaat: Tas ti ëyert yeete sat plansung këpt woo soome këwe un peem woo oopst këwe! Un soo is es khom. Ti ëyert hat yeete sat planse mit soome këp un peem mit oopst. Un Kot hot kesiin tas was Ëyer kemach hat kuut waar. Ti naacht is rom kang un te moynt is khom. Tas waar te trite taach. Too saat Kot: Këp es lichter am himel tas te taach un ti naacht ap keteelt wëre fer ti taache, ti yoore, un ti yoer tsayte aan tsayche. Ti lichter xayne fer ti ëyert lichte. Un soo is es khom. Kot hot tswaay kroose lichter kemach: tas kreeste fer te taach rechiire un tas kleenste fer ti naacht rechiire. Un hot aach ti xtëne kemach. Kot hat ti lichter an te himel ketuun fer ti ëyert lichte, fer te taach un ti naacht rechiire un tas licht fon te tunkelheet ap teele. Un Kot hot kesiin tas was Ëyer kemach hat kuut waar. Ti naacht is rom kang un te moynt is khom. Tas waar te fierte taach. Nochëyer saat Kot: Tas es waser fol mit lewente tiire këpt un tas es feel woo in te luft fliye uf ti ëyert këpt. Soo hot Kot ti kroose mëyer tiire ketsoo, un ale saat leewente tiire woo sich haywich im mëyer trin pewëye, un hot aach ale saat feel ketsoo. Un Hërkot hot kesiin tas was Ëyer kemach hat kuut waar. Ëyer hot ti leewente tiire fom mëyer keseechent un saat: Multiplitsëyert aych un macht es waser fom mëyer fol! Un tas ti feel sich uf te ëyert aach multipliseere!. Ti naacht is rom kang un te moynt is khom.Tas waar te finefte taach. Un Hërkot hot kesiin tas was Ëyer kemach hat kuut waar. Too saat Kot: Tas ti ëyert ale saat fii protutsëyert: hausliche , wilte un tii woo sich uf em porem rom xlepe, Yeete klayche mit sayn saat! Un soo is es khom. Hërkot hot es fii kemach, yeete klayche mit sayn saat: ti hausliche, ti wilte un ti woo sich uf em porem rom xlëpe. Un Hërkot hot kesiin tas was Ëyer kemach hat kuut waar. Too saat Ëyer: Yëts mache mëyer ti mënxe, woo wëre wii mëyer, woo sich mit uns klayche. Tii pesëtse macht iwer ti fix, iwer ti feel, iwer es hausliche un es wilte fii un iwer es fii woo sich uf em porem rom xlëpt. Soo hot Hërkot tii mënxe ketsoo; Ëyer hot se ketsoo eenlich wi Kot. Ëyer hot se man un fraa kemach, hot se keseechent un saat: Kriit fiil un fiil khiner; ferxtraut aych iwer ti ëyert un tominëyert. Un pesëtst macht iwer ti fix woo im mëyer sin, iwer ti feel woo am himel fliiye un iwer es fii woo sich uf em porem rom xlëpt. Fer aych se neere këwe ich aych ti kanse planse woo some këwe un ale peem woo oopst këwe. Awer, fer es wilte fii, fer ti feel un fer tas fii woo sich uf em porem rom xlëpt, këwe ich ale kriines fer se ëse. Un soo is es khom. Un Hërkot hot kesiin tas was Ëyer kemach hat iwer kuut waar. Ti naacht is rom kang, un te moynt is khom. Tas waa te sëkste taach. Un am sipte taach hot Ëyer keruut. |
||